ﻭﺷـﻮﺷـﺎﺕ
ﻓﻲ ﻇﻼﻡ ﺍﻟﺤﺠﺮﺓ ..
ﺍﻟﻈﻼﻡ ﺍﻟﺪﺍﻣﺲ.. ﻳﺨﻴﻢ
ﺍﻟﺒﺮﺩ ..ﻣﺼﺒﺎﺡ ﺍﻹﻧﺎﺭﺓ
ﺍﻟﻤﺒﻠﻞ ﺑﺎﻟﻤﻄﺮ ﻳﺮﺳﻞ
ﺑﺼﻴﺼًﺎ ﺃﺻﻔﺮًﺍ ﻳﻨﻔﺬ ﻣﻦ
ﺛﻐﺮﺍﺕ ﺳﺪﺍﺕ ﺍﻟﻜﺮﺗﻮﻥ
ﻣﺤﻞ ﺍﻟﺰﺟﺎﺝ ﻓﻲ ﺍﻟﺸﺒﺎﻙ
ﺍﻟﻌﺎﻟﻲ .. ﻳﺴﺘﻘﺮ ﺃﺷﺒﺎﺣًﺎ
ﻋﻠﻰ ﺍﻟﺠﺪﺍﺭ
ﺍﻟﺼﻐﻴﺮﺓ ﺫﺍﺕ ﺍﻟﺨﻤﺴﺔ
ﺃﺷﺒﺎﺭ ﺗﻘﺮﻓﺺ .. ﺗﺘﻘﻠﺐ
ﺃﺳﻔﻞ ﺍﻟﻠﺤﺎﻑ ﺍﻟﻤﻬﺘﺮﻱﺀ ..
ﺗﺪﻋﻚ ﻗﺪﻣﻴﻬﺎ ﺍﻟﻤﺒﺘﺮﺩﺗﻴﻦ
ﺑﺒﻌﻀﻬﻤﺎ ..
ﺍﻟﺮﻳﺢ ﻟﻬﺎ ﺻﻮﺕ ﻣﺴﻤﻮﻉ
ﺑﺎﻟﺨﺎﺭﺝ .. ﻭﺩﺍﺧﻞ ﺍﻟﺤﺠﺮﺓ
ﺗﻨﻀﻐﻂ ﺃﻛﺜﺮ ﺇﻟﻰ ﺻﺪﺭ
ﺍﻻﻡ .. ﺗﻮﺷﻮﺷﻬـﺎ : ..
ﺃﻣَّـﻪ .. ﺃﺑﻮﻳﺎ ﻓﻴﻦ ..؟
ﺗﺮﺩ ﺑﻬﻤﺲ :
- ﻋﻨﺪ ﺭﺑﻨـﺎ
- ﻋﻨﺪ ﺭﺑﻨﺎ ﻓﻴﻦ ﻳﻌﻨﻲ.. ؟
- ﻓﻲ ﺍﻟﺠﻨﺔ
- ﻋﻨﺪﻩ ﺗﻔﺎﺡ ﻫﻨـﺎﻙ ؟
- ﻋﻨﺪﻩ ﻛﻞ ﺍﻟﺤﺎﺟﺎﺕ
ﺍﻟﺤﻠﻮﺓ .
- ﺍﻟﺒﺖ ﺛﻨﺎﺀ ﺑﺘﻘﻒ ﻓﻲ
ﺑﻠﻜﻮﻧﺘﻬﻢ ﺗﺎﻛﻞ ﺗﻔﺎﺡ ﻭﺗﻄﻠﻊ
ﻟﻲ ﻟﺴﺎﻧﻬﺎ .
- ﻣﺎ ﺗﺒﺼﻴﻠﻬﺎﺵ .
- ﻭﺃﺑﻮﻳﺎ ﺣﺎﻳﻴﺠﻲ ﻣﻦ ﺍﻟﺠﻨﺔ
ﺇﻣﺘﻰ ؟
- ﺇﺣﻨـﺎ ﺍﻟﻠﻲ ﻫﺎﻧﺮﻭﺡ ﻟﻪ .
- ﻭﺣﺎﻳﺪﻭﻧﺎ ﻫﻨﺎﻙ ﺗﻔﺎﺡ
ﻭﻓﺎﻛﻬﺔ ﻛﺘﻴﺮ ﻟﻤﺎ ﻧﺸﺒﻊ
ﻭﻫﺪﻭﻡ ﻣﺎﺣﺪﺵ ﻟﺒﺴﻬﺎ
ﻗﺒﻞ ﻛﺪﻩ ؟
- ﺃﻳﻮﺓ
- ﺑﺒﻼﺵ ﻛﺪﻩ ﻣﻦ ﻏﻴﺮ ﻣﺎ
ﻧﺴﻴّﻖ ﻟﻬﻢ ﺍﻟﺴﻼﻟﻢ ؟
- ﻛﻞ ﺍﻟﺤﺎﺟﺎﺕ ﺍﻟﺤﻠﻮﺓ
ﻫﻨﺎﻙ ﺑﺒﻼﺵ .
- ﻃﺎﺏ ﺃﻧﺎ ﻋﺎﻳﺰﺓ ﻛﻤـﺎﻥ
ﻋﺠﻠﺔ ﺣﻤﺮﺍ ﺑﺴﺎﻧﺪﺗﻴﻦ ﻓﻴﻬﺎ
ﺟﺮﺱ ﺻﻮﺗﻪ ﻋﺎﻟﻲ
ﻭﺩﻧﺎﺩﻳﺶ ﻣﻠﻮﻧـﺔ .
- ﻛﻞ ﺍﻟﺤﺎﺟﺎﺕ ﺍﻟﺤﻠﻮﺓ
ﻫﻨـﺎﻙ
- ﻃﺎﺏ ﻗﻮﻣﻲ ﻧﺮﻭﺡ ﺍﻟﺠﻨﺔ
ﺩﻟﻮﻗﺖ .
- ﻣﺎﻳﻨﻔﻌﺶ
- ﺃﻭﻣﺎﻝ ﺃﻧﺎ ﺣﺎﺭﻭﺝ ﻋﻨﺪ
ﺭﺑﻨـﺎ ﺇﻣﺘﻰ ؟
ﻳﺪِّﻳﻜﻲ ﻃﻮﻟﺔ ﺍﻟﻌﻤﺮ ﻟﻤﺎ
ﺗﻜﺒﺮﻱ ﺧﺎﻟﺺ .
..... -
..... -
- ﺃﻣّﻪ .. ﻣﺶ ﻫﺎﻳﻨﻔﻊ ﻳﺎ
ﺃﻣّﻪ .. ﻟﻤﺎ ﺃﻛﺒﺮ ﺍﻟﻌﺠﻠﺔ ﺃﻡ
ﺟﺮﺱ ﻭﺩﻧﺎﺩﻳﺶ ﺣﺎﺗﺒﻘﻰ
ﺻﻐﻴﺮﻩ ﻣﺶ ﺣﺎﻳﻨﻔﻊ
ﺃﺭﻛﺒﻬﺎ .. ﻗﻮﻣﻲ ﻧﺮﻭﺡ ﺍﻟﺠﻨﺔ
ﺩﻟﻮﻗﺖ .. ﺍﻟﺒﺖ ﺛﻨﺎﺀ ﻋﻨﺪﻫﺎ
ﻋﺠﻠﺔ ﺣﻤﺮﺍ ﻓﻴﻬﺎ ﺟﺮﺱ
ﺻﻮﺗﻪ ﻋﺎﻟﻲ ﻭﺩﻧﺎﺩﻳﺶ
ﻣﻠﻮﻧﺔ.. ﻗﻮﻣﻲ ﻳﺎ ﺃﻣّﻪ
ﻭﺍﻟﻨﺒﻲ ﻧﺮﻭﺡ ﺍﻟﺠﻨﺔ ﻋﻨﺪ
ﺍﺑﻮﻳﺎ ..
.... -
- ﺃﻣّـﻪ...
.... -
- ﺃﻣـﻪ..
ﺍﻟﻈﻼﻡ ﺍﻟﺪﺍﻣﺲ .. ﺍﻟﺒﺮﺩ
ﻳﺨﻴﻢ.. ﻣﺼﺒﺎﺡ ﺍﻹﻧﺎﺭﺓ
ﺑﺎﻟﺸﺎﺭﻉ ﻏﺎﺭﻕ ﺗﺤﺖ
ﺍﻟﻤﻄـﺮ .
..ﺃﻣـﻪ..
..ﺃﻣـﻪ..
..ﺃﻣـﻪ..
ﺗﻤــَّــﺖ
ﻣﻦ ﻣﺠﻤﻮﻋـﺔ " ﺭﺍﺋﺤـﺔ
ﺍﻟﺨﻮﻑ "
ﻟـ ﻛﻤـﺎﻝ ﺍﻟﻠﻬﻴﺐ
الأحد مارس 31, 2013 8:18 pm